SORTUn ardura ezberdinak izango dituzten lagunak hautatzeko barne hauteskundeak ospatuko dira bihar.

250 herri eta auzoetan burutuko dira batzarrak bihar, barne hauteskunde hauek burutzeari begira. Batzar bakoitzean herri mailako ardurak, eskualde edo hiriburuko ardurak, herrialdeko ardurak eta ardura nazionalak hautatuko dira.

Aurreko hilabeteetan ardura ezberdinak hartzeko ehunka izen proposatu ditu Sortzaile prozesuan parte hartu duen kidegoak. Kontraste ariketa baten ostean osatu dira bihar bozkatuko diren plantxak.

Barne hauteskunde hauetako emaitzak otsailaren 23an burutuko den biltzarrean berretsiak izan beharko dira. Orduan aurkeztuko dira emaitzak, bai eta SORTUren Kontseilu Nazionala.