ALBISTEAK

Iragan astean kaleratu zuen Hezkuntza Plataformen Topaguneak albistea: 120 ikastetxek ez dute LOMCEk ezartzen duen 3. mailako azterketa egingo. Kopurua, gainera, handituz doa egunez egun eta dagoeneko gainditu du eskolen %25a. Zoriontzeko da hezkuntza arloan iaz bezala ematen ari den LOMCE bezalako lege arrotz baten aurrean erantzun desobedientea.

Cristina Uriartek legitimitate guztia galdu du, berriz. Ez du ikastetxeen babesik, argi dago. Gainera, LOMCEri izen propioa eman dio PNVk: Heziberri. Uriarteren sailak asumitu egiten du LOMCE eta horrek dakarren ebaluazio sistema uniformatzaile, atzerakoi eta zentralizatzailea. EAEko Hezkuntza Sailburuak LOMCE aplikatu besterik ez du egin 3 urte luze hauetan, beraz, egin lezakeen onena dimititzea litzateke.

Xehetasunak

1970ean Francoren Erregimenak "Ley General de Educación" inposatuz geroztik Esapainiar Estatuko beste 7 hezkuntza lege pairatu ditugu Hego Euskal Herrian. UCDren aldetik 2, PSOEren aldetik 4, eta azkena, PPrena: LOECE, LODE, LOGSE, LOPEG, LOCE, LOE eta LOMCE.

Ondo daki estatuak, hezkuntza herri eta jendarte baten eraikuntzan zutabe nagusia dela. Horra hor urteetan eman dioten erabilera alderdikoi, doktrinatzaile eta asimilatzailea. Ez da kasualitatea, nolako hezkuntza, halako herria. Nolako hezkuntza, halako jendartea. Sistema kapitalista heteropatriarkarrak ikasleak ito egiten ditu, robot gisa hezten ditu eta fulltime bilakatzen ditu. Finean, etorkizuneko langile otzan, akritiko eta prekarioak nahi ditu. Hori da sistemaren helburua.

Xehetasunak

Iritzi artikulua: Amaia Izko eta Ikoitz Arrese

Alderdi Popularrak 2012ko azaroaren 28an inongo kontsentsurik gabe LOMCE legea onartu zuenetik denbora pasa da. Denbora lar Euskal Herrirako Hezkuntza Sistema Propioaren aldeko urrats tinkorik eman gabe eta denbora lar datorkiguna txarragoa izango delakoan egungo hezkuntza eredua apurka apurka asimilatzeko.

Xehetasunak

Azken egunotan bolo-bolo dabil LOMCEren araberako azterketen gaia. Honen harira Nafarroako Gobernuak zein Eusko Jaurlaritzak hartutako jarreraren aurrean gure irakurketa plazaratu nahi dugu.

Nafarroako Gobernuak "LOMCE Nafarroan ezar ez dadin beharrezko mekanismo guztiak martxan jarriko" zituela adierazi zuen Akordio Programatikoan adostutakoari jarraiki. Hala ere UPNren Erregimenaren herentziarekin jarraitzen du Mendoza Kontseilariak eta LOMCE Nafarroako ikastetxeetan sartuta dago.

Aurtengo ikasturtean 3. eta 6. mailako azterketarik egingo ez duela adierazi du Mendozak. Hala ere, datorren ikasturtean 6. mailako azterketa egin dadin pilotajea egin du dagoeneko. Beraz, aurten azterketa horiek izango ez baditugu ere datorren ikasturtean horratx izango ditugu indarrean dauden dekretuek hala zehazten baitute.

Xehetasunak

  1. Arkatzak zorrozteko garaia da
  2. Geure bidean aurrera, hezkuntza sistema propiorantz
  3. D eredua bai, baina...
  4. Zeintzuk dira LOMCE legeak dakartzan aldaketa nagusiak?

Gure zerbitzuak hobetzeko, gure eta hirugarrenen cookieak erabiltzen ditugu, eta iraunkorrak direnez, erabiltzaileei buruzko estatistikak ematen dizkigute. Nabigatzen jarraitzen baduzu, cookie horiek erabiltzea onartzen duzu.

Gehiago