ALBISTEAK

Handik edo hemendik ikusi eta entzun ahal izan duzun moduan, Sortu birfundazio prozesuan murgilduta dago: akreditazio kanpaina, eztabaidak, bozketak... Atzokoan, Zohardia ponentziaren aurkezpena antolatua zegoen Donostian eta, bi orduz, eztabaida politiko aberats batean murgildu ginen. Kontzeptu teoriko sakonak entzun genituen: Euskal Errepublika, Estatu sozialki aurreratuak, burujabetza, alderdi-mugimendu, jarduera sozial eta komunitarioa... Baita martxa, borroka eta rokanrola ere.

Xehetasunak

Gipuzkoako papergintzako langile eta sindikatuak, lan baldintzak babesteko borrokan murgilduta dabiltza azken hilabeteetan. Momentu honetan burutzen ari diren 6 egunetako grebaren hasiera, duela 10 hilabete sindikatuen eta patronalaren artean hasitako negoziaketaren baitan ulertu beharra dago.

Grebaren jatorria euskal langileriari inposatutako lan-erreforman

Negoziazio honen bitartez sindikatuek Madrildik Euskal Herriko langileriari inposatutako lan-erreforma lantegietatik kanpo utzi nahi izan dute, konbenioa eta enpresa paktuak "blindatuz". Azken finean eskatzen dutena sinplea da, langileen eta enpresen artean hitzartutakoa errespetatua izatea eta Oria eta Zubialde enpresetan gertatutakoa berriz ere ez errepikatzea. Bi enpresa hauetan, enpresa paktuak kendu baitituzte eta Oriaren kasuan gainera konbenioaren "inaplikazio" bat gauzatu, honek dakartzan lan baldintzen okertzearekin.

Xehetasunak

Ramuntxo Sagarzazu Gaztelumendi eta Haimar Altuna Ijurkoren iritzi artikulua:

1976ko Irailaen 8an Josu Zabala Erasun bi tiroz akabatu zuen Enrique Pascual Diego Guardia Zibilak Hondarribian. Martxoaren 3ak utzitako testuinguru bortitzaren zurrunbiloan, Guardia Zibila gupidarik gabe ari zen, beste behin; Franco hil berria, Erreforma zen Estatuaren indar faktikoek sendotu behar zuten aukera bakarra, bai ala bai. Aurrez-aurre, Askapen Mugimendua eta Euskal Herriko herri mugimendu antolatua, Erreformari haustura demokratikoz erantzunez.

Bizkarretik emandako tiroz hil zuten Josu, aldez aurretik Montejurran edota uztailean Santurtzin gertatu bezala, egun estrukturala deituko geniokeen Estatuaren biolentziak hil zuenean. Hondarribiko zinegotzi guztiek dimisioa aurkeztu zuten, orduan.

Xehetasunak

Gipuzkoako Ogasunak bultzatu duen zerga politika dela-eta hainbat enpresariak herrialdetik ihes egin dutela esan da berriki. Ildo beretik, bai Arantza Tapiak bai Adegik lau haizetara zabaldu dute aipatu zurrumurru interesatua. Egoera honen haritik, honako adierazpen hauek egin ditu Joxean Agirrek, Sortuko Gipuzkoako koordinatzaileak:

"Gezurretan ari dira Arantza Tapia eta Adegi, nahita eta maltzurki erasotzen baitute Gipuzkoako foru gobernua. Izan ere, Gipuzkoan publikoki iragarri zuten apokalipsia gertatzen ez dela ikustean gezur hutsean oinarri duen adierazpen zaparrada honekin zuritzen ari dira euren burua. Krisiaren eta langabezi tasaren larritasunari garrantzia kendu gabe ere, Gipuzkoa da ondoko herrialdeekin alderatuta, paro tasa txikiena duen lurraldea. Horrez gainera, zerga bilketa handiagotu du azken urteotan, Bizkian, Araban eta Nafarroan jaitsi den bitartean. Oro har, datu ekonomiko nagusiak beste herrialdeetakoak baina hobeak dira Gipuzkoan. Errealitate hau ezkutezina da.

Xehetasunak

  1. Sortuk bat egiten du LABek biharko enpleguaren alde Donostian deitu duen manifestazioarekin
  2. Ibai Redondo: "Gipuzkoa itotzen dutenak"
  3. Atzo Villabonan atez atekoaren aurkako erasoa izan zen
  4. EAJren eredua Bidegi eta Etorlurrena da, herriaren ekonomia hipotekatzen duena gutxi batzuen mesedetan

Gure zerbitzuak hobetzeko, gure eta hirugarrenen cookieak erabiltzen ditugu, eta iraunkorrak direnez, erabiltzaileei buruzko estatistikak ematen dizkigute. Nabigatzen jarraitzen baduzu, cookie horiek erabiltzea onartzen duzu.

Gehiago