ALBISTEAK

ELA, LAB, CCOO eta UGTk Araba, Bizkaia eta Gipuzkoako itunei lehentasuna emango dien akordioa egin dute Confebaskekin.

Xehetasunak

Klase-gatazkak bere gordintasunean dirau. Horixe izan zen, Sorturen bigarren informe sozioekonomikoan, Euskal Herriko aberastasunaren banaketa lehen mailan aztertu genuenean, aipatu genuen lehen ondorioa: aberatsak geroz eta aberatsagoak diren bitartean, langile-klasea eta herri-sektoreak geroz eta pobreagoak gara. Gainera, kapitalismo globalizatuari estatu espainoleko elite ekonomikoen basakeria gehitzen badiogu, panorama are lazgarriagoa antzeman dezakegu. Ekonomia hobetzen ari dela badiote ere, hobetzen diren bakarrak bakan batzuen poltsikoak baitira, euskal jendartean dualizazioa areagotzen ari da eta langabezia eta prekarietatea jaun eta jabe dira: Hego Euskal Herrian 200.000 langabetu ditugu, horien erdiak bi urte baino gehiago daramatza langabezian, 400.000 pertsonatik gora bazterketa soziala eta pobrezian edo beronen arriskuan, kontratu berri gehienak gogoz kontrako partzialak eta behin behinekoak dira, soldatak modu basatian ari dira jaisten zenbait sektoretan...

Xehetasunak

Pasa den urtean, makro-datuen bonbardeo mediatikoari aurre egingo dioten informe sozioekonomikoak kaleratzea erabaki genuen Sorturen Sozioekonomia lantaldean. Ildo horretan, 6 hilero, koiuntura datuen irakurketa egin eta gai bat sakonean aztertzea erabaki genuen.

Lehen txostenean, "Kapitalismoaren ondorioak Euskal Herrian", bereziki industriaren gainbeherari erreparatu genion: telebista eta komunikabide handiek sinistarazi nahi digutenaren kontrara, Lehman Brothersen erorketarekin agerian utzitako finantza- eta adreilu-krisiak gure ehun industrialaren desegitea bizkortu du, azken 6 urtean 75.500 lanpostu suntsitu baitira industrian, eraikuntzan baino 15.000 eta zerbitzuetan baino ia 70.000 lanpostu gehiago.

Bigarren txostenean, "Kapitalismoa eta aberastasunaren banaketa Euskal Herrian", lehen zatian, langabezia, prekarietatea eta pobreziari erreparatu GENION. Txostenaren bigarren zatian, aldiz, aberastasunaren banaketari begiratu genion kapitala-lana harremana errentetan aztertuz.

Hirugarren txostenean, "Independentzia vs. langabezia eta prekarietatea", aztertu dugu Espainiara begira jarraitzeak industria-basamortura kondenatzen gaituela eta nola Espainiara lotuta jarraitzeak langabezia eta prekarietatera kondenatzen gaituen:

Espainiara begira jarraitzeak industria-basamortura kondenatzen gaitu.

Nahiz eta gure egitura ekonomikoak Alemaniakoaren antz handiagoa izan, Espainiakoaren bide bera jarraitu du:

  • Industrian ia herena izatetik, laurdenera ez iristera pasa gara eta 7 urtetan 75.000 lanpostutik gora suntsitu dira.
  • Prekarietatea nagusi den zerbitzuetan gora egin dugu. Industrian, batez beste, zerbitzuetan baino 6.500 euro gehiago irabazten dira: industriako batez besteko soldata 31.000 eurokoa den bitartean, zerbitzuetako soldata 24.500 eurokoa. Eta desberdintasun hori areagotzen ari da.

 

Espainiara lotuta jarraitzeak langabezia eta prekarietatera kondenatzen gaitu.

Espainiako lan-erreformek langileon kontrako lan-harremanetara eraman gaituzte:

  • 199.651 pertsona daude langabezian Hego Euskal Herrian. 2 langabetutatik 1ek 2 urte baino gehiago daramatza langabezian.
  • Prekarietatea jendarte osora hedatu da, baina bereziki emakumeen artean: lan partzialetan % 80 emakumeak gara eta lan partzialen % 60 gogoz kontrakoa da.
  • Gure herriaren etorkizuna bahitzen ari zaizkigu: gure gazteek formakuntza europarra jasotzen badute ere, enplegu espainiarra eskaintzen zaie, hau da, langabezia eta prekarietatea, kasu askotan atzerrira joatea (75.000tik gora 2008tik).
  • Langabezia eta egoera prekarioa pairatzen duten pertsonak Hego Euskal Herrian % 25 dira jada, 346.800 gizon eta emakume.

Testuinguru ekonomiko honetan, krisia erabiltzen ari dira aberatsak geroz eta aberatsago eta pobreak geroz eta pobreagoak bihurtzeko eta, beraz, Espainiara begira jarraitzeak industria-basamortura kondenatzen gaitu eta Espainiara lotuta jarraitzeak langabezia eta prekarietatera kondenatzen gaitu.

SO 3.zbk:Euskal Herriaren bestelako begirada ekonomiko eta soziala

2016-03-18
Independentzia vs. langabezia eta prekarietatea
Xehetasunak

Correscales edo Korrika Prekarioa Bilbo eta Bartzelona batuko dituen 800 km-ko errelebo-lasterketa bat da. Otsailaren 18an aterako da Bilbotik, 19 goizean Gipuzkoa zeharkatu eta arratsalde-iluntzean Iruñera helduko da. Ekimenaren helburua, ordea, ez da helmugara ahalik eta azkarren iristea: egungo sistema kapitalistak dakarkigun prekarietatea ikusarazi eta elkartasunaren bidez aurre egiteko grina piztea.

Xehetasunak

  1. "There is no alternative"
  2. Sorturen Sozioekonomiako bigarren batzarra
  3. “Kapitalismoa eta aberastasunaren banaketa Euskal Herrian” Sorturen 2. informe sozioekonomikoa sozializatzen
  4. "Zer da TTIP?" Hitzaldia Tolosan

Subcategorías

Lan Harremanak

Gure zerbitzuak hobetzeko, gure eta hirugarrenen cookieak erabiltzen ditugu, eta iraunkorrak direnez, erabiltzaileei buruzko estatistikak ematen dizkigute. Nabigatzen jarraitzen baduzu, cookie horiek erabiltzea onartzen duzu.

Gehiago