Ohar honen bidez Maria Jesus Elorza euskal iheslari politikoaren atxiloketa salatu nahi du Sortuk. Sortuk elkartasuna adierazi nahi die Elorzaren senide eta lagunei. Era berean, indar polizial espainiarren eskuetan jasan dezakeen tratuaren inguruko kezka adierazi nahi du Sortuk.

Gatazkaren konponbidearen alde Euskal Iheslari Politikoen Kolektiboak adieraziriko konpromiso eta ekimenari ezin zaio atxiloketekin eta errepresioarekin erantzun. Ekinbide errepresiboan tematzea eta argudio politiko bakarra giza eskubideen urraketa izatea agerian uzten dute bakearen etsai gisa jarduten duela Estatu espainiarrak, indarkeria erabiliaz konponbide prozesuaren aurka.