Hainbat militante independentistari gizateriaren aurkako krimenak egozteko COVITEk Hagako Nazioarteko Epaitegian aurkezturiko salaketa dela eta, honakoa adierazi nahi du Sortuk:
COVITEren moduko elkarteak mendeku gose diren sektoreen terminal politikoa baino ez dira. Elkarte hauek euskal jendarteak aldarrikatzen duen konponbidetik oso urruti kokatzen dira.
Sorturen iritziz konponbidearen alde jardun beharko lukete biktimek, ez mendeku eta gatazka behin betikotzeko klabeetan. Euskal jendartearen bake eta konponbide nahiak zapuzteko ahaleginetan dabiltzanei bere asmoak alboratzeko deia luzatzen die Sortuk.
