Maitane Intxaurragren deklarazioak Gobernuak 14.paga ez ordaintzera behartzearen inguruan:

• Nafarroako parlamentuak gehiengoz 14.paga ordaintzeko bidea egitea erabaki zuen, horretarako lege bat sortuz.
• Alba andereak salatu eta atzo Tribunal Konstituzionalak suspentsoan utzi zuen lege hori, Nafarroako langile publikoen kalterako eta Parlamentuaren gehiengoaren aurka.
• Beste behin ere Estatua Nafarroaren erabakitze eskubidearen gainetik inposatu da.
• Nafarron gehiengoaren borondatea ez da Bankuek sortutako zorra diru publikoz ordaintzea, ez eta Madriletik datozen murrizketa aginduak txintik egin gabe, eta jendartearen nahiari eta beharrei erreparatu gabe aplikatzea. 
• Ez dago eskubiderik Madrileko eta Nafarroako Gobernuburuak ustelkeria kasuetan inplikaturik daudenean eta enpresa pribatuen sobornoak onartzen dituzten bitartean, Nafarroako Parlamentuak zilegitasun osoz hartzen dituen erabakiak jazartzea.
• Nafarrok ez dugu ustelkeriarik nahi, ez dugu bankuen eta eskuinaren gehiegikeriarik nahi eta horren aurrean beren politika indarrez inposatu nahi dutenen egurrik ere ez dugu jaso nahi.
• Krisitik ateratzeko burujabetza behar dugula nabarmen geratu da erabaki honekin, Espainiar Estatua baita oztopo nagusia krisiaren aurkako neurriak erabaki eta ezarri ahal izateko.
• Gaur egun kupo bat ordaintzen ari gara, beharrezkoak ez diren, eta etorkizun oparo bat oztopatu besterik egiten ez duten instituzioak mantentzeagatik.
• Nahikoa da, Nafarroak demokrazia eta burujabetza behar du, geure eskubideak defendatu eta jendartearen gehiengoaren onerako izango diren erabakiak hartzeko.
• Ez dezatela indarra erabili Nafarron borondatearen kontra, inposaketaren aroa bukatu egin da, luze baino lehen errespetatu beharko dituzte Nafarrok hartzen ditugun erabakiak.
• Honegatik guztiagatik, gaur arrazoi bat gehiago dugu Irailaren 21ean antolatu dugun kate ibiltarian parte hartzera deitzeko. 12etan Gobernu delegaritzatik abiatuko dena, merindades plazan.