ALBISTEAK

Herri Batasunaren 30. urteurrena betetzen zelarik, 2008ko apirilean Durangoko Santa Ana plazan ospatzekoa zen ekitaldia indarrez eragotzi zuen Ertzaintzak eta horren ondorioz hamahiru lagun atxilotu zituzten.

Gaizka Urruela urduñarra; Enaitz Gallastegi eta Iker Mendizabal durangarrak; Xabat Atxabal, Mikel Moreno eta Arkaitz Zipitria getxoztarrak; Ibai Etxezarraga bediarra; Jon Ibarra zeanuritarra; eta Asier Andollo dira bederatzi auzipetuak. Zazpi urte geroago, guztiei desordenak leporatzen dizkiete eta horren araberako urte beteko zigorra. Horrez gain, batzuei atentatua eta beste zenbaiti erresistentzia leporatzen dizkiete datorren astelehena eta asteartean, hilak 12 eta 13, Bilboko Entzutegian ospatuko den epaiketan.
Errepresioa eta eskubide urraketa sistematikoa dira Estatu espainiarrak Euskal Herriarekiko duen politikaren ardatzak eta Ildo horretan kokatzen dugu guztiz denboraz kanpo eta gatazkaren konponbidetik at ospatuko den epaiketa berri hau.

Xehetasunak

Jone Amezagak espetxeratze agindua jaso ondoren Errigoitiko gazteak 18 egun daramatza ezkutuan. Denbora honetan agerian da Gernika eta oro har Busturialdean elkartasun uholdea handitzen joan dela eta hamaika eragile, elkarte, saltoki, hautetsi eta norbanakoek aterkiaren babespean herri librea osatzeko konpromisoa hartu dutela. Elkartasun horren isla izan zen aurreko ostiralean Gernikako merkatuan egindako ekitaldian erakutsitako babes sare herritarra.

Garai berriak bizi ditugula Euskal Herrian errepikatu dugu behin eta berriro, konponbide garaia dela, baina oraindik orain errepresioa eta eskubide urraketa sistematikoa da Estatu espainiarrak Euskal Herriarekiko duen politikaren ardatzak. Kartzelak hustu behar diren garaian bizi gara eta ez da onargarria gaur egun arrazoi politikoengatik inor espetxeratzerik. Eta arrazoi politikoengatik diogu argi daukagulako Jone Amezagari ezarritako zigor horrek ez daukala zer ikusirik pankarta horrekin.

Xehetasunak

Ruben Garate "Anselmo" otxandiotarra dispertsioaren eraginez hil zenetik 14 urte betetzen diren honetan, euskal presoekiko eta horren ondorioz haien senitarteekiko espainiar gobernuak mantentzen duen egoera beti izan baldin bada bidegabea, berau mantentzea erabat zentzugabea eta onartezina bihurtzen da gure herrian zabaldu den errealitate berrian.

Gauzak honela, "Anselmo" eta beste hainbat pertsona hil dituen (beste bederatzi hildako, 200 zauritu ) salbuespeneko espetxe politika honekin eta sakabanaketarekin amaitzea eskatzen dugu, herri honetan gehiengoak aldarrikatzen duenarekin bat eginez. Sakabanaketa eta espetxe politika honekin amaitzeko garaia da. Aski da esateko unea da.

Xehetasunak

Desberdinen arteko akordioak behar ditugu norabide jakin batean: berton bizi garen guztion eskubide zibil, politiko eta sozialen defentsaren norabidean.

Bizkaiko Sortuko plangintza politikoak lau lan hildo nagusi proposatzen ditu; gatazkaren konponbidea, sozioekonomia, soziokultura eta berdintasuna eta politika feminista. Plangintzaren aurkezpen ekitaldian, bigarren indarra gara Bizkaian EH Bilduren baitan. Bizkaian argi eta garbi alternatiba bakarra gara: burujabetzaren eta eraldaketa sozialaren bidea egiteko prest" esan du Bizkaiko Sortuko koordinatzailea den Maribi Ugarteburuk.

Xehetasunak

  1. Barakaldon gaur Periko Solabarriarekin elkartasunez burutuko den konzentrazioan parte hartzeko deia egiten dugu
  2. Sortuk bat egiten du 'Frankismoaren inpunitateari tolerantziarik ez!' lelopean bihar Bilbon egingo den manifestazioarekin
  3. Herri honen eskubideen defentsan lan egin ordez, alderdia lehenetsi du beti EAJk
  4. Aurrera begirako erronka nagusiak aurkeztu ditu Sortuk Bilbon

Gure zerbitzuak hobetzeko, gure eta hirugarrenen cookieak erabiltzen ditugu, eta iraunkorrak direnez, erabiltzaileei buruzko estatistikak ematen dizkigute. Nabigatzen jarraitzen baduzu, cookie horiek erabiltzea onartzen duzu.

Gehiago