ALBISTEAK

Sorturen Kontseilu Nazionaleko ordezkaritza bat Iosu Uribetxebarria preso politikoa bisitatu du gaur goizean Arrasateko bere etxean. Sorturen ordezkaritza Hasier Arraiz, Pernando Barrena, Amaia Izko eta Iosu Lizarralde Kontseilu Nazionaleko kideek osatu dute.

Ordubete iraun duen bisitan kontseilukideek elkartasuna azaldu diote Iosu Uribetxebarriari Sorturen izenean; modu berean, pasa den astean Auzitegi Nazionalak etxean bete beharreko espetxe egoera berrezarriz hartutako erabakiaren kontrako jarrera azaldu diote, eta Sortuk zirkunstantzia horiek zein gainerako preso gaixoek pairatzen dituztenak salatzen jarraituko duela adierazi ere.

Azkenik, bere osasun egoera prekarioaren baitan animo handiz eusteko desioa adierazi diote Sorturen ordezkariek Iosu Uribetxebarriari.

Xehetasunak

Auzitegi Nazionaleko epaile batek etxean bete-beharreko espetxeratzea agindu du Josu Uribetxebarriarentzat eta gure ustez horrek urgentziazko balorazio laburra eskatzen du:

Xehetasunak

Ondorio lazgarriak utzi dituen dispertsoak 25 urte betetzen dituen honetan, espetxe politika kriminalarekin amaitzeko garaia dela deritzo SORTUk. Euskal preso politikoei ezartzen zaien espetxe politika da egun euskal herritarren aurka burutzen den eskubide urraketarik lazgarriena eta ondorioz, SORTUk deia luzatzen dio EAJri dispertsioaren amaieraren norabidean eragin dezan, PPren politikari babesa emateari utziz.

Xehetasunak

Estatu indarkeriaren hainbat biktimari diru laguntzak kenduko dizkionaren PPren iragarpenaz, honakoa adierazi nahi du Sortuk:

  • Gatazkak eragindako biktima guztien aitortza eta erreparaziorantz urratsak eman beharrean, kontrako norabidean ari da PP.
  • Estatu indarkeriaren biktima gehienak ukatuak izan dira eta oraindik dira. Iragarpen berri honekin, errekonozituak diren biktimak baztertu nahi ditu PPk.
  • Irizpide ideologikoen arabera sailkatzen ditu PPk indarkeriaren biktimak.
  • Estatu indarkeriak eragindako biktimak baztertuz, estatu indarkeriaren apologia egiten ari da PP.
Xehetasunak
  1. Barrena: Ibon Iparragirreren atxiloketa salatzen du Sortuk
  2. Bakerako Foruma martxoaren 1ean Baionako Fakultatean
  3. Amaia Izko: COVITEren moduko elkarteak mendeku gose diren sektoreen terminal politikoa baino ez dira
  4. Sortuk Juan Jesus Narvaez eta Itziar Alberdiren atxiloketa eta Estatu espainiarrera entrega salatu nahi ditu

Gure zerbitzuak hobetzeko, gure eta hirugarrenen cookieak erabiltzen ditugu, eta iraunkorrak direnez, erabiltzaileei buruzko estatistikak ematen dizkigute. Nabigatzen jarraitzen baduzu, cookie horiek erabiltzea onartzen duzu.

Gehiago