ALBISTEAK


Lehenik eta behin, atzokoan hainbat epaile espainiarrek eginiko adierazpenak balioan jarri nahi ditu Sortuk:
• Gisa horretakoak aurretik entzun gabeak ginelako.
• Euskal disidentzia zigortzeko erabiltzen diren kode penaleko atalak kolokan jartzen dituztelako.
• Entzutegi Nazional, Auzitegi Goren eta Espetxe Zaintzako Epaitegiaren moduko guneetako magistratuak dira adierazpenak egin dituztenak.
• Eta bereziki, esparru judizial horietatik bakea eta gatazkaren konponbiderik ez nahi dutenek garatzen duten mendekuzko justiziarekiko ikuspegi ezberdin eta kontrajarri bat planteatzen dutelako.
Xehetasunak

Bake eta konponbide prozesua elikatzeko Ezker Abertzaleak garatzen duen ekimenaren eta PPren gobernuaren blokeo jarreraren artean erdibideko jarrera faltsu bat mantentzen saiatzen da Urkullu.

Iruzur hutsa da Urkulluren erdibide faltsua eta "zentsuzko posizio zentralen" diskurtsoa. Izan ere, Ezker Abertzalea da prozesuari ekarpena egin diona, EAJren pasibotasun eta Gobernu espainiarraren blokeoaren aurrean.

Iraganaren azterketa kritikoa ariketa partekatua behar du izan eta Urkulluren exijentziak kontutan harturik, EAK azalpen ugari eman beharko lituzke torturaren erabileraz, oinarrizko eskubideak urratzeko indarkeriaren erabileraz zein Ertzaintzaren hiltzeko tira egitearen politikaren inguruan. Gai horien inguruan inolako autokritikarik ez egiteak bakearekiko zein normalizazio politikoarekiko Urkulluk izan dezakeen konpromisoaren inguruko kezkak sorrarazten ditu.

Lehendakariak badaki nork egin duen ekarpena eta nork ez, nork hartu dituen bake prozesua abiatzea ahalbidetu duten erabakiak eta nor saiatzen ari den prozesua leherrarazten. Urkulluk primeran daki zer egiten ari den Ezker Abertzalea eta zer egiten ari den PP. Horregatik, zinismo ariketa oso larria da Ezker Abertzalea Gobernu espainiarrarekin parekatzea. Bere adierazpenekin, Urkulluk babesa ematen die inplizituki espetxe politika kriminala mantentzen ari direnei eta era berean, PPren jarrera boikotatzaileak zein EAJren ikusle jarrerak sortzen dien ardura arintzen saiatzen da.

Xehetasunak

Berriz ere espetxetako gaiak gaurkotasun politikoaren erdian daude, arrazoi desberdinengatik, eta horregatik Sortutik gai hauen inguruko posizioa finkatzera gatoz oraingo honetan.

Behin eta berriro esan izan dugu espetxe politika errotik aldatzea ezinbestekoa dela, eta hori bera azpimarratu nahi dugu gaurkoan berriz ere. Egungo espetxe politikak ez dauka justifikazio legalik ezta politikorik ere. Baina diseinatu edota sortu zen lojikatik ere gaur egun ez dauka inongo justifikaziorik. Sakabanaketa, espetxe onuren ezabatzea, arreta medikuarekiko ala ikasketekiko eragozpenak ala Parot doktrina bera izan dira eta badira 2014eko egoerarekin batere zerikusirik ez duen politika antiterrorista zehatz baten tresna, eta oinarrizko giza eskubideak urratu eta bortxatzen ditu.

Xehetasunak

Xehetasunak
  1. Tomas Madinak egindako tortura salaketei buruz
  2. ETAko hainbat militanteren kontra Parisen egiten ari den epaiketan egin diren adierazpenen harira
  3. Zorionak absoluzio epaia jaso duten 40 gazteei
  4. Gatazka betikotzeko saiakeren aurrean "Aski da!" esateko ordua da

Gure zerbitzuak hobetzeko, gure eta hirugarrenen cookieak erabiltzen ditugu, eta iraunkorrak direnez, erabiltzaileei buruzko estatistikak ematen dizkigute. Nabigatzen jarraitzen baduzu, cookie horiek erabiltzea onartzen duzu.

Gehiago