ALBISTEAK

Txelui Morenoren adierazpenak AHTren egitamoari buruz:   2013-05-16 Txelui Morenoren adierazpenak AHTri buruz by Sortuhref="http://soundcloud.com/web-10-2/2013-05-16-declaraciones-de"> 

Paradisua agindu ziguten zoragarria zen tren honekin: garapena, ongizatea eta lana ekarriko zuen denontzat. Gezurra esan ziguten: 56.000 langabetu eta birritan erreskatatuak izan gara. Hori dena merke eta on eskaini ziguten 1.200 milioi euroren truke, eta geldiarazten ez badugu 4.000 milioi kostatuko zaigu.

Xehetasunak

Maiatzaren 18an gure herrietako plazak betetzeko deialdia egi digute. Kartzela politikan PPren Gobernuaren itxikeria gainditzeko deialdi berri bat da. Inork ez du zalantzan jartzen egoera aldatu denik, parte batek urrats esanguratsuak eman dituela bakea eta normalizazioa luze baino lehen erdiesteko, baina batzuek bakeranzko bidea egitearen alde agertu badira, beste batzuek kontrako jarreran tematzen dira.

Xehetasunak

Bost gazte nafar beraien ideia politikoak defendatzeagatik kartzelatuak izateko arriskuan daude. Duela aste batzuek Donostian eraikitako herri harresi sendoaren lekuko izan ginen, hainbat gazteren atxiloketa salatu, babesa eman eta elkartasuna agertzeko eraiki zena. Bestetik, agerian geratu zen, PPren estrategia errepresibo eta inboluzionista eta beste hainbat eragilek horren aurrean izandako jarrera isila.

Biolentzia espiral hau, bereziki gazteen kontra tematu dena, baina Madrileko aginduetara makurtzen ez diren pertsona ororen aurka zabaldu dena, ezingo dugu gelditu jazarritako inputatuekin elkartasun sare zabal bat eraikitzeko gai ez badagara, eta ez badugu sendotasunez salatzen biolentziaren erabilera polizial edota judizial hau, gaur egun Nafarroan gutxiengoan dauden ideien inposatzea bideratzeko helburuarekin aplikatzen dena.

Euskal Herrian pausu sendo eta esanguratsuak eman dira batzuen eskutik, eta honek biolentziarik gabeko agertoki bati bere ekarpena egin dio, hain zuzen proiektu politiko guztiak demokratikoki lehiatzeko aukera izan dezaten. Baina Estatuak berdin mantentzen du bere tresneria errepresiboa, bake bidean abiatu den normalizazio demokratikorako prozesua zangotrabatu eta geldiarazi nahian.

Xehetasunak

Maiatzak bataren atarian Nafarroako langabezi datu izugarriak egin dira publiko. 58.000 lagun lanik gabe, populazio aktiboaren %19. PP-k Madrildik agindu eta UPN-k Nafarroan gogotsu aplikatzen dituzten neurriek, amildegira garamatzate.

Lan erreformak, osasun, hezkuntza eta asistentzia sozialean murrizketak, sektore publikoaren pribatizazioa, pentsioak eguneratu gabe, jubilazioaren adina atzeratu,...hauek dira martxan jarri dituzten neurri batzuk. Bitartean, langabezi muga historikora iritsi gara, eta neurri hauetatik ateratako diruak bankuan erreskatatzeko erabili dituzte.

Nafarroako sektore publikoan 2.500 lan postu galduta, honek dakarren kalitate galerarekin, "langile txiro" deiturikoen errealitatea, lanean egon arren, kobratzen diren soldata miserableek ez bai dute ematen oinarrizko beharrak asetzeko adina, 16 urtetik beherako 3tik 1 txirotasunean bizitzeko arriskuan eta 24 urtetik beherakoen 2tik 1 lan gabe egoteak argi uzten du, Barcinak eta UPN-PPk aplikatutako neurriek ez dutela emaitza onik eman, jendartearen arazoak konpontzearen bidean aurkako norabidea hartu dute, eta hortik ateratzen dugun ondorioa zera da; krisia giza talde ahulenak ordaintzen ari direla, larrutik gainera.

Xehetasunak

  1. Sortuk parlamentuan izandako zentsura mozioaren eztabaida baloratu du
  2. Txelui Moreno: "Miguel Sanzek argi utzi du UPNk Nafarroa erabili duela nafar guztion izerdiaren kontura aberasteko"
  3. Baztan Bidasoako SORTU erakundearen aurkezpen oharra
  4. Nafarroak birsortze demokratikoa behar du

Gure zerbitzuak hobetzeko, gure eta hirugarrenen cookieak erabiltzen ditugu, eta iraunkorrak direnez, erabiltzaileei buruzko estatistikak ematen dizkigute. Nabigatzen jarraitzen baduzu, cookie horiek erabiltzea onartzen duzu.

Gehiago