ALBISTEAK

Enegarren aldiz, Estatuak preso daudenen eskubideak eta eskubide zibilak estutu ditu. Presoen egoera latza eta dispertsioa salatzen duten ahotsak gero eta gehiago eta anitzagoak diren bitartean, Estatuak bere kartzela politika krudel eta medekuzkoarekin jarraitzen du.

Atzo sortuko delegaritza batek Josu Uribetxeberria presoa bisitatu zuen bere etxean. Bisitaren helburua bere eskubideen urraketa larria salatzea zen, gaixotasun larria paraitu eta bizia arriskuan izan arren Estatuak etxean preso mantentzen baitu.


Xehetasunak

Beste behin ere, ikasleen eserialdi baketsu batean poliziaren jazarpen neurrigabearen ondoren, operazio polizial batekin hasi dugu goiza. Operazio honek bere etorkizunaren defentsan ari den gazte mugimendua kriminalizatzea du helburu, eta horretarako komunikabideetako portadak bete nahi dituzte atxiloketa masiboekin.


Xehetasunak

Salatu nahi dugu gure lurraldea gerrak prestatzeko saioetarako erabiltzea

Gaur Bardeetan egiten ari diren maniobra militarrak salatzera, eta lurraldean pairatzen dugun okupazio militarraren bukaera eskatzera etorri gara Tuterara.

Data hauetan indar handiagoarekin egiten badira ere, urte osoan zehar errepikatzen diren maniobrak izaten ditugu. Zarata handiak pairatzera behartzen gaituzte, Erriberako herrien gainetik hegan egiten dute, honek dakarren arriskuarekin eta ezin dugu ahaztu maniobra hauek duten kostea. Gizartearen zati handi baten egoera ekonomikoa gero eta okerragoa dela ikusten ari garen bitartean, maniobra hauetan milioiak gastatzen dituzte.

Are gehiago, larrialdi egoeran dauden hainbat familia nafarrei diru laguntzak ukatzen zaizkien bitartean, atzo, Pedro Morenés Defentsa ministroak aho zabalik utzi gintuen ariketa militar hauek "beste gastu sozial bat direla" esan zuenean, jende errugabea hiltzen duten gerrak prestatzeko ariketak direla jakinda. Baina ez hori bakarrik, "segurtasunik gabe arrakastarik ez dagoela", "honen finantziazioa benetan urria dela" eta ondorioz, "eraginkortasun ekonomikoko jardute bat suposatzen duela" bezalako perlak bota zituen. Hori bai, galdetu arren ere ez zuen ariketa hauek suposatzen duten gastuaren xehetasunik eman.

Xehetasunak

Gizon eta emakumeen arteko desberdintasunak handitu egin dira 2013an. Pobrezia emakumezkoa da: lan erreformak kaleratzeak baimendu ditu eta lan baldintzak okerragotu; bestalde, erretiro adina igo izanak erretiro-pentsioa hartzea zailtzen du, lanaldi partzialetan ibili diren emakumeentzako jada nahikoa zaila ez bazen.

Lana izateak ez ditu gutxieneko bizi baldintza duinak ziurtatzen: lanak gero eta prekarioagoak dira, eta emakumezkoei eskaintzen zaizkigunak gehienetan partzialak, aldi baterakoak eta ezegonkorrak izaten dira, gizonezkoek baino soldata txikiagoarekin. Hori dena beltzean egiten duguna aipatu gabe.

Xehetasunak

  1. Sortu.info berezia: Nafarroan aldaketa politiko eta soziala eraikiko dugu
  2. Sortutik Xabier Sagardoy eta Luis Goñiren dispertsioa salatu nahi dugu
  3. Gaur Garazi Urrestarazu Altsasuko alkateak eta herritar batek, inputatu gisa deklaratuko dute gaur, Ospa Eguna dela-eta
  4. UPNren garaia bukatzen ari da eta aldaketa eragotzi nahian ari dira

Gure zerbitzuak hobetzeko, gure eta hirugarrenen cookieak erabiltzen ditugu, eta iraunkorrak direnez, erabiltzaileei buruzko estatistikak ematen dizkigute. Nabigatzen jarraitzen baduzu, cookie horiek erabiltzea onartzen duzu.

Gehiago