ALBISTEAK

Ohar honen bidez Frantziako poliziak atzo eginiko atxiloketak salatu nahi ditu Sortuk, bai eta bere elkartasuna adierazi atxiloturiko lagunei zein euren senideei.

Polizi iturriak aipatuz hainbat hedabidek esan dutenaren arabera, ostegunean Miarritzen egindako polizi operazioarekin loturik leudeke atzoko atxiloketak.Ostegunean bertan Sortuk adierazi zuen moduan, ETAk adierazia du arma eta biltegien zigilatze prozesua aurrera doala eta ETAk berak behin eta berriro egin die enplazamendua gobernu espainiar eta frantziarrari armagabetze eskema bat adosteko. Espainiak eta Frantziak ordea, uko egiten diote gure iritziz zentzuzkoa den enplazamenduari erantzuteari, bide polizialari eutsiz.

Sorturen iritziz zentzugabea da bide polizialari eustea borondate politikoarekin behin betiko soluzioak lor daitezkenean. Horregatik, Sorturen iritzia da bide poliziala eta errepresioak behin betiko desagertu behar dutela Euskal Herriko ekuazio politikotik.

Xehetasunak

Entzutegi Nazional espainiarrak baztertu egin du euskal preso politikoek beste estatu batzuetan betetako zigorrak aintzat ez hartzeaz Luxenburgoko Auzitegiari galdetzea.

Sorturen iritziz salbuespenezko espetxe politika baten inguruko salbuespenezko auzitegi baten erabakiaren aurrean gaude. Salbuespenezko auzitegiaren erabakiaren oinarrian bidegabekeria, mendekua eta neurrigabekeria daude.

Xehetasunak

Hasier Arraiz auzipetzea erabaki du EAEko Auzitegi Gorenak eta horren inguruan, honakoa adierazi nahi du Sortuk:

Lehenik eta behin, Arraiz auzipetzeak oinarrizko eskubidea den adierazpen askatasunaren urraketa bat da. Estatu espainiarrean, eskema ideologiko espainiarretik edo inposatu nahi diguten eredu ekonomiko edo moraletik kanpo kokatzen diren iritziak jazartuak eta kriminalizatuak dira.

Xehetasunak

Miarritzetik iritsi den albisteari buruzko informazio zehatzik ez dagoen arren, badirudi bi pertsona atxilotuak izan direla, ETAren armagabetze prozesuarekin loturik.

Horrela balitz, hori bide okerra dela adierazi nahi dugu, ekinbide okerra da.

Egoera da ETAk adierazia duela arma eta biltegien zigilatze prozesua aurrera doala eta ETA berak behin eta berriro egin diela enplazamendua gobernu espainiar eta frantziarrari armagabezte eskema bat adosteko. Gaurkoa adibide, Espainiak eta Frantziak uko egiten diote gure iritziz zentzuzkoa den enplazamenduari erantzuteari, bide polizialari eutsiz.

Xehetasunak

  1. Atxilotutako pertsona guztien berehalako eta baldintzarik gabeko askatasuna eskatzen dugu
  2. Ez dauka ez hanka ez bururik 2008an HBren 30. urteurrenean Ertzaintzak eragotzitako ekitaldiaren harira epaiketa politiko honekin aurrera jotzea
  3. Berriro ere Estrasburgoko Giza Eskubideen Epaitegiak Espainia zigortu du tortura salaketak ez ikertzeagatik
  4. Madrilen itxikeriaren aurrean indar politiko, sozial eta instituzionala eman behar zaio euskal presoen eskubideen defentsari

Gure zerbitzuak hobetzeko, gure eta hirugarrenen cookieak erabiltzen ditugu, eta iraunkorrak direnez, erabiltzaileei buruzko estatistikak ematen dizkigute. Nabigatzen jarraitzen baduzu, cookie horiek erabiltzea onartzen duzu.

Gehiago