Gaurko agerraldiaren helburua, datorren azaroaren 20, Santi Brouard eta Josu Muguruza Ezker Abertzaleko militanteen hilketaren urteurrenean, Sortuk deituta Bilbon egingo den manifestazioaren berri ematea da.
Urtez urte egin bezala, aurten ere Sortuk bi kide hauek omendu nahi ditu, Ezker Abertzalearen baitan eginiko ekarpen humano eta politikoagatik. Euren ekarpena eta borroka guretzako erreferentzia direlako, aurtengo mobilizazioaren leloa "Zuen ametsa, gure iparra. Independentzia eta Sozialismoa" izango da.
- Xehetasunak
Aurreko ostegunean jakinaraziko ebazpenari jarraipena emanez, 10 euskal preso politikok eginiko Euskal Herriko espetxeetara hurbilketa eskaerei ezezkoa eman die Entzutegi Nazional espainiarrak.
Aurreko astean salatu genuen moduan, aurreikusi zitekeen erantzuna da ezezko hau. Izan ere, baliabide polizial eta judizialak gatazkaren konponbidearen aurka erabiltzeko PPren gobernuaren hautua argia da.
- Xehetasunak
Gaur egin da publiko 20 euskal preso politikok eginiko Euskal Herriko espetxeetara hurbilketa eskaerei Entzutegi Nazional espainiarrak emaniko ezezkoa.
Zoritxarrez, aurreikusi zitekeen erantzuna da ezezko hau. Izan ere, Estatu espainiarrean ez dago botere judizial independenterik. Blokeo egoeran dagoen eta baliabide polizial eta judizialak gatazkaren konponbidearen aurka erabiltzen dituen PPren gobernuaren aginduei men egiten die botere judizial espainiarrak.
- Xehetasunak
PPren gobernuak Ibon Iparragirre preso politikoarekin duen jarrera krimimal eta miserablea salatzen du Sortuk.
Larriki gaixorik dago Iparragirre. Hala ere, egin ez den epaiketa baterako trasladatu zuten Bilbora Ibon. Orain ordea, astelehenean medikuarekin Galdakaoko ospitalean duen hitzorduari muzin egin eta Alcala-Mecora dispertsatu dute berriro. Bitartean, Ibon Iparragirreren sendiak ez du informazio zuzenik jaso, espetxez espetxe ibili delarik Ibon bisitatu nahian, lortu gabe.
Mendekuan oinarritzen den espetxe politika baten adierazle larrienetakoa da Ibon Iparragirrek pairatzen duen egoera. Gatazka betikotzeko PPren politika anker eta kriminalaren adibide da Ibonekin egiten ari direna. Estatu terrorismoa da larriki gaixorik dagoen pertsona batekin horrela jardutea.
Horregatik, Ibon Iparragirre eta bere moduan larriki gaixorik dauden presoen berealako askatasuna exijitzen du Sortuk eta helburu horiekin egingo diren mobilizazioetan parte hartzera deitzen du.
- Xehetasunak
Helbideak
01001 Gasteiz
48011 Bilbo
20018 Donostia Telf: 943265982 | 682593071
64100 Baiona
Lizentzia
Sortu
