ALBISTEAK

Sortuk deia luzatzen die herritarrei bihar Donostian Arnaldo Otegiren askatasunaren aldeko plataformak deituriko manifestazioan parte hartzeko.

Arnaldo Otegi eta Rafa Diezen askatasun aldarrikapenarekin bat egiten du Euskal Herriko gehiengo sozial batek, izan ere, duela 6 urte emaniko atxiloketak gatazka betikotzeko Estatu espainiarraren estrategian kokaturik zirela ukaezina da. Arnaldo eta Rafa espetxean mantentzea horrela uler daiteke soilik.

Manifestazio honek atxikimendu ugari jaso ditu, azken hilabeteotan nazioartean garatu den "Free Otegi. Free them all" kanpainak bezala. Izan ere, bakearen eraikuntzan ezinbestekoa da arrazoi politikoak medio espetxean diren lagun guztien etxeratzea.

Xehetasunak

Arratsaldeko lehen orduan, Parisen Egoitz Urrutikoetxea eta beste bi lagun atxilotuak izan dela zabaldu dute hainbat hedabidek.

Sortuk irmoki salatu nahi ditu atxiloketa hauek, berriro ere bide poliziala indartu nahi du eta. Egungo gehiengoa arriskuan ikusten duen hauteskunde batzuen atarian, "euskal herritarraren ehiza" aktibatu du berriro ere PPk, etekin politikoak lortuko dituelakoan.

Xehetasunak

Lehenik eta behin, azpimarratu beharra dago aurreko astean operazio polizial bat jasan zuen erakunde baten agiria dela atzokoa, non agertoki berriak eraikitzeko bere konpromisoan berresten den. Heldutasun adierazpen bat da, eraso guztien gainetik bakearen eraikuntzan ekarpen berriak egin nahi dituen erakunde baten aldetik.

Agiriaren edukiei dagokionean, ETAren agiriak erakundearen erantzunkizun politikoaren isla da: agirian adierazten duen tonoa arrazoitua eta pausatua da, estridentziarik gabekoa eta ETAk duen aurrera egiteko borondatea islatzen du.

Xehetasunak

Gobernu espainiarrak EAEn duen Gobernadore Zibil Urquijoren aginduari jarraiki, euskal preso politikoen eskubideen alde Oñatin egitekoak ziren hiru ekitaldi debekatu ditu Donostiako Auzitegiko epaile batek.

Sorturen iritziz, erabaki oso larria da epaile honek hartu duena, oinarrizko eskubideak, hala nola adierazpen askatasuna eta manifestazio eskubidea, urratzen dituena. Debeku honek, aurrekoen moduan, mehatxuaren bidez hainbat aldarrikapen isilarazteko helburua du.

Herritarren eskubideen aurkako eskuhartze larria ematen ari da helburu bakartzat proiektu politiko espainiarra inposatzea dutenen eskutik. Urquijok, Entzutegi Nazionalak, Guardia Zibilak eta EAEko zenbait epailek jo puntuan jarri dituzte hainbat jaietan euskal preso politikoekin elkartasunez zein indar errepresiboek Euskal Herritik alde egin dezatela aldarrikatzeko deituriko jai ekimen ezberdinak, hala nola, txokolatadak, desfileak, txupinazioak, brindisak edo poteoak.

Salbuespenezko politika hauen aurrean, Sortuk deia luzatzen die herritarrei inposaketen gainetik kaleak aldarrikapenez betetzeko eta jaiak eta aldarrikapena uztartzen jarraitzeko.

Xehetasunak
  1. Urquijok presoekiko elkartasunez Oñatin egitekoak ziren ekimenak debekatzeko eskatzea salatzen dugu
  2. PPren espetxe politika kriminalarekin amaitzeko indarrak biderkatu behar ditugu
  3. Kolonbian ikusiriko arduratik urruti, Euskal Herrian PP eta PNVren interes partikular zekenek blokeatzen dute konponbide prozesua
  4. Irailaren 24ean mobilizatzeko deialdia luzatzen dugu

Gure zerbitzuak hobetzeko, gure eta hirugarrenen cookieak erabiltzen ditugu, eta iraunkorrak direnez, erabiltzaileei buruzko estatistikak ematen dizkigute. Nabigatzen jarraitzen baduzu, cookie horiek erabiltzea onartzen duzu.

Gehiago