Gaur, otsailak 13, Idahoko euskal komunitateak Idahoko Estatua eskertu eta 2013an hil zen Pete Cenarrusa omenduko du. Idahoko Estatuak urteetan zehar eman izan dio babesa euskal komunitatearen ekimen desberdinei. Bai kultur eremuko ekitaldiei, bai Euskal Herriko errealitate politikoari dagozkienei ere.

Hainbat izan dira urteetan zehar Idahoko Diputatuen Ganbarak egin dituen adierazpenak. Diktadura frankistaren praktikak salatuz 1972an, 2002an Euskal Herriaren erabakitzeko eskubidearen aldeko aldarria eginez edota 2013an Aieteko adierazpenaren aldeko sostengua onartuz.

Sortuk ekarpen garrantzitsu horiek guztiak goraipatu nahi ditu beste behin ere. Eta nola ez, bereziki, guzti horretan Pete Cenarrusak agerturiko jarrera eskertu beharrean aurkitzen da.
Honekin batera, Sortuko kideek besarkada bero bat helarazi nahi diogu Pete Cenarrusaren senide eta lagunei, distantzian bada ere beraiekin batera omenaldi honetan parte hartuko dugu.

Maite Ubiria, Sorturen nazioarteko arduraduna.

Euskal Herria, 2014ko Otsailak 13

Xehetasunak

Sorrera: 13 Otsaila 2014

Salvadorren egin berri diren hauteskundeetan izan da Asier Altuna, Sorturen Amerikarako arduraduna. Bertako testuinguruaz eta FMLNk lorturiko emaitzez idatzi du artikulu honetan:

Salvadorren, urteetan ez bezala, aurten hauteskunde presidentzialak otsailean burutu dira. Historikoki beti martxoan izan diren arren, inkesta guztiek bigarren itzulia izango zela aurreikusten zutenez lehen itzulia otsailera aurreratu zen. Ez zebiltzan oker. Eta hori horrela, Salvadorreko presidentea nor izango den martxoaren 9an jakingo dugu.

Hauteskunde hauek azken urteetakoak ez bezala, oso mediatikoak izan direla dio jendeak; kanpaina kalean baino telebista aurrean eman dela eta horregatik agian azken hamarkadetako hauteskunde lasaienak izan direla. Beharbada arrazoi horiek tarteko alderdiek ez dute herritarrak behar adina aktibatzea lortu eta aurreko emaitzekin alderatuz parte hartzea baxuago izan da. 2009an %64ko parte hartzea eman bazen oraingoan %53koa izan da.

Xehetasunak

Sorrera: 05 Otsaila 2014

Gehiago irakurri ...

Asier Altuna, Ameriketarako SORTUren ordezkariak parte hartu du Salvadorren berriki ospatu diren hauteskunde orokorretan nazioarteko ikuskari moduan. Bideo honetan FMLNa zoriontzen du hauteskunde hauetan lortutako garaipenagatik.

Xehetasunak

Sorrera: 04 Otsaila 2014

Sortuk, erabat salatzen du ONLFko negoziaketa taldeko kide diren Sulub Abdi Ahmed eta Ali Hussein (Ali Dheere) bahiketa. Etiopiar segurtasun zerbitzuek atxiki dituzte Nairobin (Kenya). Bertan, Etiopiar gobernua eta ONLF aurrera eramaten ari den negoziaketa prozesuaren hirugarren errondan parte hartzen ari ziren bahituak.

Onartezina da elkarrizketa prozedura baten erdian Etiopiako gobernuak ONLFko ordezkaritzako kideak elkarrizketen erraztatzaile den Kenyan bahitu izana. Gertaera honek agerian uzten du gobernuaren jarrera.

Xehetasunak

Sorrera: 28 Urtarrila 2014

Gehiago irakurri ...