Sortu bere elkartasuna adierazi nahi die egun gose greban diren 200dik gora preso palestinarrei. Gose grebaren helburua atxiloketa administratiboekin amaitzea da. Hauetako askok bi hilabete baino gehiago daramate gose greban eta 40 bat egoera kritikoan daude. Gose grebalari batek bihotzekoa izan duela jakin arazi da.
Atxiloketa administratiboen amaiera galdatzen dugu. Bere erabilera sistematikoa zigor kolektiboa besterik ez da. Preso batzuk bost urte baino gehiago daramate egoera honetan eta nazioarteko zuzenbidearen bortxa da. Genevako laugarren konbentzioa urratzen du ez baita soilik emergentzia egoeratan erabiltzen ez eta ezohiko uneetan. Atxiloketa administratiboak amaitu beharra du.
- Xehetasunak
Sortuk Greziako herri mugimendua eta Syriza Ezker erradikala den alderdia zoriondu nahi ditu, joan den asteburuan ospaturiko herri hauteskundeetan lorturiko emaitza honengatik.
Emaitza itxaropentsu hauek Syriza Greziako herriarentzat benetako botere alternatibo erreala bilakatu dela erakusten dute. Troika eta bertako bere kolaboratzaileen erregimenaren aurrean alternatiba. Nazio subirautzaren desagerpen erreala eta txiroenen kontrako austeritate neurriak bultzatzen dituen memorandum baten inposatzeak, ezkerreko proiektu alternatibo bat inoiz baino beharrezkoagoa egin dute. Egun greziar gizarteak, proiektu alternatibo hori Syriza koalizioan aurkitzen du.
Grezian ematen ari den herri mobilizazioa erregimen aldaketa eskatzeko, gure herrialdeetan zein Europa mailan gizarte aldaketa erradikal baten alde borrokan dihardugun guztiontzat pizgarria da.
Zentzu horretan gure desioa, hurrengo asteburuan bai greziar hauteskundeen bigarren itzuliak bai Europar parlamenturako hauteskundeek kapitalaren Europaren aurrean gizarte benetako alternatibak planteatu eta gauzatu nahi dituen gizarte kritiko bat badagoela islatzea da.
Sortuk Syrizaren emaitzengatik bere poztasuna adierazteaz gain, elkartasunezko besarkada bat helarazi nahi die gazte, emakume, langile, emigrante eta ikasle guztiei; Troikaren politikek gehien kaltetu dituenak. Era berean gure aitortza adierazi nahi diogu greziar herriari horrelako egoera zail baten aurrean erakutsitako antolakuntza eta borroka ahalmenarengatik.
- Xehetasunak
Igor Zulaikak, Sorturen Europarako ordezkariak, Ostiraletik igandera bitartean Kopenhagen ospatu den Enhedslisten alderdi daniarraren 25. kongresuan hartu du parte.
Enhedslisten, Aliantza Gorri Berdea, 10.000 militante, 119 zinegotzi eta 12 Biltzarkide ditu Parlamentu daniarren.
Ezkerreko alderdi daniarrak ez du bere burua egun hauetan burutzen diren Europar Hauteskundetara aurkeztuko eta horren ordez EBren kontra gizarte mugimenduaren zerrenda babestuko du aurreko kongresuan erabaki zuen bezala (2013 - http://sortu.net/eu/nazioartea/329-gorka-elejabarrietak-eta-igor-zulaikak-danimarkako-enhedslisten-alderdiaren-kongresuan-parte-hartu-dute). Herri mugimenduaren izenean orain arte europar parlamentari izandako Søren Bo Søndergaard eta egun hautagaia den Rina Ronja Kari kongresuan izan dira. Biak Herri Mugimenduaren hautagaiak izateaz gian Enhedslisten.eko militante ere badira.
- Xehetasunak
Sortuk Rodt alderdiak Oslon ospatu duen kongresuan hartu du parte asteburu honetan. Kongresuan Norvegia osotik etorritako 150 delegatu inguruk zuzendaritza berria aukeratu eta hurrengo urteetarako ildo politikoa finkatu dute.
Nazioartetik Jon Andoni Lekue, Sortuko ordezkariaz gain, Danimarkako Red Green Alliance, Suediako Alderdi Komunista, KNK kurdutarra, Tamil herriaren ordezkari batek eta Nepalgo Alderdi Maoistak izan dira bertan. Naziaorteko ordezkaritzei zein Rodt alderdiko kideei Euskal Herrian bizi den prozesuaren berri eman eta aurrera begira elkarlan eremuak indartzeko borondatea adierazi zaie.
Ezker Abertzaleak aspalditik du Rodt alderdiarekin harremana eta Sorturen kongresu eratzailean ere parte hartu zuen joan den urtean.
- Xehetasunak
Helbideak
01001 Gasteiz
48011 Bilbo
20018 Donostia Telf: 943265982 | 682593071
64100 Baiona
Lizentzia
Sortu
