ALBISTEAK

Sortutik gure zorionik beroenak luzatu nahi dizkiogu, Askapenerako Fronte Mairu Islamikoa (MILF), Filipinar gobernua eta nazioarteko gobernu erraztatzaileei, (Norvegia, Malaysia edo AEB, besteak beste), Malaysiako hiriburu den Kuala Lumpurren erdietsitako akordio historikoa dela eta, zeinaren bidez herri Bangsamoroko MILF eta filipinar gobernuaren arteko gatazka luze eta odoltsuari amaiera ematen zaion.

Malasian bake akordio bat lortzeko aurrera eraman diren elkarrizketak joan den larunbatean amaitu ziren adostasuna lortuz. Orain lortutakoa, azken urteetan lortutako beste akordio batzuen osagarria da.

Xehetasunak

Joan den urtarrilaren 15ean Irlandar Errepublikako Tanaiste (presidente ordea) eta atzerri ministroa den TD Eamon Gilmorek, Sinn Fein-eko diputatu eta Dail-an talde honetako kanpo aferetarako bozeramaile den TD Sean Crowek, Euskal Preso Politikoen Kolektiboak egindako adierazpenaren inguruan egindako galdera parlamentarioari erantzun zion.

Galdera parlamentarioari emandako erantzunean, ministroak adierazpenaren ezagutza aitortu eta Gobernuak berau kontutan hartzen duela esan zuen. Era berean, Euskal Herrian bake iraunkorra bermatzeko helburua duten esfortzu guztiei ongietorria emateaz gain, auspotu egin nahi ditu.

Xehetasunak

Arratsalde on guztioi. SORTUren errespetua, elkartasuna eta berotasuna dakart Igorrentzat, familiarentzat eta jakina gure sindikatuarentzat.

Nahiz eta biok Ezker Abertzaleko zuzendaritza lanetan ibili garen, aitortu behar dut ez zaigula askotan elkarrekin aritzea suertatu Igor eta bioi:

  • Bera LABen aritzen zen eta ni Sortun
  • Bera bizkaitarra eta ni nafarra
  • Bera nazioarteko lanean eta nik debekatuta daukat Estatutik ateratzea orain zortzi urtez geroztik.

Baina pare bat aldiz ibili behar izan genuen elkarrekin Ezker Abertzalearen estrategia berriaren garapen eta zabaltze lanetan, gogoratzen dut Barcelonara joan ginela ere Gernikako Akordioa bertako Parlamentuan aurkeztera.

Nik ezagutu nuen Igor, Ezker Abertzalearen militante klasikoa zen eta horrelaxe berretsi didate bere hurbildik ezagutzeko aukera izan zutenek. Eta klasikoa diot horrek duen esanahi positibo guztiarekin; ibilbide bital osoa militantzian eta konpromisoan, bai gazte eta ikasle garaian zein hemen bertan Lezamako kontuetan beti Euskal Herria helburu eta beti klase atxikimendutik.

Xehetasunak

SORTUk Michelle Bachelet eta "Nueva Mayoría" koalizioa zoriondu nahi ditu Txileko hauteskunde orokorretan lortutako emaitzengatik.

Azken lau urteetako eskuindarren gobernuaren ostean Txileko herriak "Nueva Mayoría" koalizioarenganako konfiantza agertu du; hezkuntza nahiz osasun arloan agindutako erreformekin ekiteko eta erreforma konstituzionala aurrera eramateko.

SORTUk Txileko indar aurrerakoiek agindutako erreformak aurrera eraman eta herrian dauden desberdintasunekin amaitzeko pausuak eman eta herritarren gehiengoak nahi duen demokrazia sendoagoa eraikitzen jarraituko duenaren uste osoa du.

Lan horretan gure babes eta elkarlana izango dute.

Xehetasunak
  1. Urko Aiartzaren azken kronika Hegoafrikatik
  2. Mandelari eskainiko zaion Estatu-hiletan izango da Sortu
  3. Sortu, Brasileko PTren 5. kongresuan
  4. Urko Aiartza, Sowetotik 3

Gure zerbitzuak hobetzeko, gure eta hirugarrenen cookieak erabiltzen ditugu, eta iraunkorrak direnez, erabiltzaileei buruzko estatistikak ematen dizkigute. Nabigatzen jarraitzen baduzu, cookie horiek erabiltzea onartzen duzu.

Gehiago