ALBISTEAK

Herriak bere geroaren jabe izatea defendatzen eta justizia soziala helburu dugunontzat Kubako iraultza eredua izan dugu.

Estatu Batuen inperialismoaren aurrean, Fidel Castro Cubaren askatasun ametsaren erreferente nagusia da; Kuba, kubatar guztientzat berreskuratu zuena. Gobernu esperientzia guztiek erakutsi eta izaten dituzten akats eta ongi egindakoekin, kubatar guztientzat klase ezberdintasunak gaindituz, bizi kalitate estandarrak lortu zituen.

Xehetasunak

Bidenabar deia luzatzen diegu Gobernu kolonbiarrari eta ELNri lehenbaitlehen elkarrizketarako mahai formala osa dezaten.

Kolonbiako Gobernuaren eta FARCen ordezkariek Habanan lortu duten akordio berriaren iragarpenaren aurrean, Sortuk bere onarpen zintzoa agertu nahi die negoziazio berri hauetan parte direnei, erakutsi duten jarrera arduratsu eta eraikitzaileagatik. Prozesua bere errailetik atera nahi duten guztien gainetik, negozioazioan parte direnek, berriro ere, ardura eta ikusmira luzez ari direla erakutsi digute.

Xehetasunak

AEBtako hauteskundeetan izan den emaitza mendebaldeko gizarteetan gertatzen ari denaren isla da. Garai nahasiak eta gatazkatsuak bizi ditugu; ez da irakurketa luzerik behar mendebaldeko herri eta estatu ezberdinetan aldaketa sakonak ematen ari direla ondorioztatzeko, baina analisi finagoak beharko ditugu aldaketa horien aurrean ematen diren erantzunak modu egokian baloratzeko.

Munduan zehar krisi sistemikoak bizitza-estandarren kaltetzea ekarri du; krisi aurretik euren burua klase ertaintzat zuten herritarrak prekarizazio prozesuetan murgilduz eta gazte belaunaldiei etorkizun iluna aurkeztuz. Nahiko argi dago krisi aurreko bizimaila ez dela berreskuratuko eta aldi-batekoa zirudien austeritate eta murrizketen politikak denbora luzez aplikatzeko asmoa dutela agintariek.

Xehetasunak

Sorturen delegazioa, Rufi Etxeberria eta Urko Aiartza Sortuko kideek osatua, ELN eta Kolonbiako Gobernuaren negoziaketen irekiera ekitaldian egongo da.

Negoziaketen irekiera ekitaldia gaur, Quiton (Ekuador), arratsaldeko bostetan (Euskal Herriko 00.00ak) izango da, eta bertan hasiera emango diote ELN eta Kolonbiako gobernuaren arteko negoziazioen fase publikoari. Zabaltzen den fase honetan, martxoaren 31an iragarritako agendaren puntuak jorratuko dituzte.

Sorturen izenean, fase berri honi gure babes osoa adierazi nahi diogu, eta bidenanar, balorean jarri nahi dugu ELN eta Kolonbiako Gobernuaren artean bakearen eraikuntzan orain arte egindako bidea.

2016ko urriaren 27an

 

Xehetasunak
  1. FARC-EPk mugimendu politikoan bilakatzeko harturiko erabakia babestu du Sortuk bere presentziarekin
  2. Sorturen delegazioa Diadan izango da
  3. SAT eta Sortu harremanak estutzeko bildu dira
  4. Cortiko Ghjurnate Internaziunale 2016

Gure zerbitzuak hobetzeko, gure eta hirugarrenen cookieak erabiltzen ditugu, eta iraunkorrak direnez, erabiltzaileei buruzko estatistikak ematen dizkigute. Nabigatzen jarraitzen baduzu, cookie horiek erabiltzea onartzen duzu.

Gehiago